Exodo 16:12-14

Ang Biblia (1978)

¹² Aking narinig ang mga pagupasala ng mga anak ni Israel: salitain mo sa kanila, na iyong sasabihin, Sa kinahapunan ay kakain kayo ng karne, at sa kinaumagahan, ay magpapakabusog kayo ng tinapay; at inyong makikilala na ako ang Panginoon ninyong Dios.

Pugo at Mana ay ipinagkaloob.

¹³ At nangyari sa kinahapunan na ang mga ^(A)pugo ay nagsiahon at tinakpan ang kampamento at sa kinaumagahan, ay nalalatag sa palibot ng kampamento ang ^(B)hamog.

¹⁴ At nang paitaas na ang hamog na nalalatag na, narito, sa balat ng ilang ay ^(C)may munting bagay na mabilog at munti na gaya ng namuong hamog sa ibabaw ng lupa.